நண்பர்கள் நலநிதி சேமிப்புத் திட்டம்

1. மாதாந்திர சேமிப்பு

மாதம்தோறும் ரூ 300 வீதம் நண்பர்கள் நலநிதி சேமிப்புக்கு ஒரு வருடத்திற்கு மட்டும் அனுப்பலாம். முடிந்தவர்கள் ஒரு வருடத்திற்கான முழுத்தொகையான ரூ 3600 முன்னதாகவும் அனுப்பலாம்.

அவரவர் பொருளாதார சூழல்களுக்கு ஏற்ப முடிந்த தொகையினை மாதம்தோறும் வழங்கலாம். அல்லது 1 வருடம் அல்லது 6 மாதம் அல்லது 4 மாதம் தொகையினையும் ஒன்றாய் முன்னதாகவும் அனுப்பலாம்.

நண்பர்களுள் விருப்பமுள்ளவர்கள் எவ்வளவு கூடுதல் மீப்பெரு தொகையினை அளிக்க விரும்பினாலும் தாராளமாக தரலாம். அதற்கு எந்தவித நிர்ணயங்களும் இல்லை.

2. ரகசியம்

நண்பர்கள் நலநிதி சேமிப்பு திட்டத்தின் பங்களிப்பாளர்களின் பெயர்களும், பயனாளர்களின் விவரங்களும் ரகசியம் காக்கப்படும். பயனாளர்களின் பெயர் தவிர்த்து, பயனடைந்த விவரங்கள் குழுவில் பொதுவில் பகிரப்படும்.

3. நிர்வாகக் குழு

திட்டத்தினை திறன்பட செயல்படுத்த, சுமார் 14 பேர் அடங்கிய நண்பர்கள் நிர்வாக குழு மற்றும் ஆலோசனைக் குழு ஒன்று உருவாக்கப்படும். ஆண்கள், பெண்கள் உள்ளிட்ட அனைத்து வகுப்பு பிரிவுகள் அடங்கிய நண்பர்கள் குழுவாக இது இருக்கும். இந்த குழு உறுப்பினர்களின் கலந்தாலோசனைகளின் அடிப்படையிலும், மற்ற நண்பர்களின் வழிகாட்டுதலின்படியும் இந்த நண்பர்கள் நலநிதி சேமிப்பு திட்டம் செயல்படுத்தப்படும்.

4. கணக்கு வெளிப்படைத்தன்மை

நலநிதி திட்டத்தின் வரவு செலவு விவரங்கள் இரண்டு மாதங்களுக்கு ஒருமுறை பொதுக்குழுவில் சமர்பிக்கப்படும். நலநிதி பயனாளர்களை நண்பர்கள் குழுக்களில் கண்டறிவதில் மிகுந்த கண்ணியம் காக்கப்படும்.

5. வெளியேறும் உரிமை

நண்பர்கள் சிற்சில சூழல்களில் குழுக்களில் இருந்து வெளியேற விரும்பினாலோ வேறு உடன்பாடற்ற நிகழ்வுகளை எதிர்கொண்டாலோ அவர்கள் குழுவிலிருந்து மாண்புடனும் மரியாதையுடனும் விடைபெற அனுமதிக்கப்படுவர். அவர்கள் செலுத்திய நலநிதி கண்ணியத்துடன் திரும்ப வழங்கப்படும்.